Wutšobnje witajśo!
Delnjowujězd pśi Sprjewi, mjazy kšasnymi krajinami, gatowymi stronami, a nejwětšym jazorom Sakskeje, "Bjerwałdskem jazorje" jo turistiski atraktiwne městno, direktnje pśi puśowaŕskej sćažce Sprjewinego kólasow. Centralne połoženje mjazy Budyšynom, Wórjejcami, Niskej a Běłeju Wódu póbitujo teke dobre móžnosći, nas ze zjawnymi wobchadowymi srědkami dojśpiś. Dolnjowujězdźańske domowniske towaristwo, załožone w lěśe 1998, jo se na swóju chórgoj pisało, aktiwny pśinosk k zachowanju pśirody, k pśeźěłanju a dalejwjeźenju historiskich temow, spěchowanju źiśecego a młoźinskego źěła a kulturnego źěła wugbaś. Za wšykne źělne wobłuki dajo wótpowědujuce źěłowe kupki. Licymy tuchylu 65 cłonkow. Na našom internetowem boce pśepšosujomy, domowniske towaristwo bližej póznaś.
terminy a zarědowanja
How namakajośo pokazki a dopórucenja k aktualnym terminam a zarědowanjam.
biblioteka w telefonowej budce
How su pokazki k našej nowej bibliotece w telefonowej celi.
Parkowy seminar grodowy park Wujězd
Łoni jo pśewjadło Wujězdźańske domowniske towaristwo w zgromadnem źěle z krajinowym běrowom Franc z Lipska prědny parkowy seminar w Delnjowujězdźe. Zaměr zarědowanja jo był stary wobstatk bomow šćitaś a spócetny staw parkowego załožka źělnje napśeśiwo stwóriś. Pśed źěłowym zasajźenim jo se wótměł seminar z architekturnym běrowom. How su nam rozkładli kak se w parku rozšyrjony źiwiny rosćenje na stary wobstatk bomow wustatkujo. Klon a druge bomy škóźe daloko wulažece krony sćerbow a platanow. Pśez to su se teke w rědach domowniskego towaristwa wobstojece skeptikarje pśeznanili. Slědne cwiblowanja jo zmóžnił gnujucy wid na platany pó wótpóranju spódnego drjewa. Comy se hyšći raz pla wšyknych pilnych pomocnikow wuźěkowaś. Za lětosa jo dalejwjeźenje planowane. Spěchowańske srědki su južo pśizwólili.